مفهوم الإيجابية بتحليل أ.عمرو خالد

ان فيه نوعين من الإيجابية
1- لما يكون فيه حاجة غلط موجودة، نروح نبلغ عنها للمسئولين
2- لما يكون فيه حاجة صح بس مش موجودة، نروح نعملها ونبادر في إيجادها

-------------------------------------------------------

ولو حبيت ألخص الإيجابية في جملة
"إفهم صح، حلل المشكلة، خطط للتغيير، إبدأ بنفسك، خد خطوة ورا خطوة ورا خطوة"

-----------
الايجابية يعني المبادرة
في التعلّم والفهم ومن ثمّ العمل
--------------
الكللام البسيط ده شامل كل المعاني
بمعنى - ان ف اي موقف باجي اقول للشخص خليك ايجابي بيبقى علشان يعمل حاجة معينة
يا يقول رايه - يا يعمل حاجة كويسة - ميخافش وهو على حق
لو جينا نرجعها للاساس هنلاقي
ان لو خلينا الشخص يتعلّم على حق ويفهم كويس - بالتالي وبشكل تلقائي هيعمل الحاجة الكويسة وبكده يكون شخص ايجابي ومبادر انه يعمل كل حاجة كويسة


والله المستعان
في امان الله

سلام عليكم

انا حتكلم عن الإيجابية من وجهة نظري البحتة لا من الكتب ولا من كلام الناس
الإيجابية من معناها الرياضي ( أكبر من الصفر ) انها قيمة وفي الاتجاه المطلوب
بمعنى انا عندي مشكلة فانا مش صفر مش واقف ساكت انا بتحرك وبتحرك في الاتجاه اللي يحللي المشكلة مش يعقدها وده الاتجاه الموجب

من هنا الإيجابية تعني الحركة الموجهة نحو تغير الواقع

في سورة الكهف عند الحديث عن ذي القرنين نجد
( ثم اتبع سببا ) ( ثم اتبع سببا ) ........

الإيجابية موجودة فطرية جوا كل بني آدم وكل انسان عنده من أسبابها الكتير وربنا مش عايز منك غير ( ثم اتبع سببا ) علشان تشوف النصر والفتح
وبعدين ( ثم اتبع سببا ) فتح أكبر وهكذا

تعالوا ناخد حاجة زي القضية الإسلامية في فلسطين ونسقط عليها

في ناس مش عايشة في الدنيا خالص ولا أكن في حاجة بتحصل ( سلبية )
وفي ناس حاسة باللي بيحصل وشاعرة بالمشكلة ( المرحلة الأولى إيجابية الشعور )
انك تحس بالمشكلة ده نوع من الإيجابية واعتقد ان معظم الأمة هنا
ثم اتبع سببا
فنجد حد حاسس بالقضية ومتألم ليها بس بيحاول يعمل حاجة فتلاقيه بيستغيث بالحكومة ويعمل مظاهرات ( إيجابية في انه زود خطوة وطلب المساعدة من حد بس هو شخصيا معملش حاجة )( المرحلة التانية الاستغاثة )
ثم اتبع سببا
فنجد حد مبادر بدأ يفكر في حلول عملية ( في اطاره الشخصي لانه لو فكر في حلول لحد غيره هو اللي يعملها نبقى في المرحلة اللي فاتت )
ويبدأ ينفذها فتلاقيه شغال دعاء ومقاطعة ودراسة في التاريخ ومعرفة الشهداء ........ ( المبادرة - ابدأ بنفسك لان الله لا يغير ما بقوم حتى يغيروا ما بأنفسهم )
آخر حاجة ودي ما ينفعش يقوم بيها إلا القائد وهي إيجابية الحسم بانه يتدخل بكل قوته وسلطته ويحل المشكلة بس دي مش بتيجي إلا نتيجة للمبادر وللمستغيث أو المشتكي
إذا هناك شخين يملكون التغيير في المجتمع كله بإيجابيتهم
المبادر اللي بيحط حلول على اطاره الشخصي وينفذها والشخص اللي بيشتكي وبيرفع الأمر للمسؤلين وبيثابر لحد ما طلبه ينقضي
هما دول القوة اللي بتأثر على السلطة من كتر الزن وبتقعنها لما بتشوف رغبة وخطوات عملية الناس ماشية فيها في مستواها الشخصي وتحت الاقتناع أو الضغط بيتم الحسم

هو ده اللي عندي ممكن يكون صح وممكن يكون غلط
والله المستعان

الايجابية فى وجهة نظرى تتلخص فى كلمتين

ابدأ بنفسك

كفانا كلااااااااااااااااااام لا طائل منه

كفانا تقييم لفعل هذا وذاك

ده صح وده غلط

الايجابية هى ان اقيم نفسى

اصحح خطأها واسعى بها نحو الافضل دائما