السلام عليكم
الحمد لله خلصنا الامتحانات من فتره وربنا مع اللى شغالين فى مشروع التخرج ويوفقهم.
من كام يوم كان فى ندوه للجنه الجوده مش عارف بجد اتكلم عنهم لان دى اول مره اسمع عنهم وحضر طلبه الى حد ما عدد معقول من بعض الاقسام وبدأو يسالونا اسئله عن الكليه ومستوى الجوده وامكانيات المعامل والمكتبه ومدى استفادتنا منها المهم كان فى سؤال بيسألوه :
هل انتو شايفين ان الكليه بتساعد الخريج انه يكون على مستوى من معايير الجوده المطلوبه فى سوق العمل ؟
وهسيب الاجابه ليكم

بس انا شايف ان معايير الجوده دى اجتهادى من الطلبه يعنى كل واحد فينا بيحاول انه ينمى مهاراته فى مجال معين هو شايف انها مطلوبه لما يتقدم لوظيفه سواء كورسات بشهاده معتمده او انه يحاول انه ياخد خبرة الشغل من تدريب فى الصيف وطبعا دا فى مكان غير اللى هم مخخصينهولنا طبعا.

هوا من رأيي الشخصي انه في محاولات من بعض اعضاء هيئة التدريس لتطوير المعامل وتحسين المناهج بحيث نبقي قريبين من مناهج الدول المتقدمة

زي مثلا محاولات دكتور هشام رئيس قسم حاسبات ونظم لتطوير المعامل

كمان زي محاولات الدكتور مصطفي صالح من انه يسمع اراء الطلاب في اللقاء الطلابي

اما بالنسبة لو الواحد اعتمد علي اللي بياخدوه في الكلية اعتمادا كليا مش هايقدر يواكب متطلبات سوق العمل

لانه مهما كان دي مناهج نظرية ومحتاجة تطبيق عملي كتير

وطبعا المفروض انه كل واحد يشوف سوق العمل محتاج ايه ويحاول يجتهد في تطبيق اللي اتعلمه

عن طريق الكورسات

تدريب بره الكلية

كمان يفهم المناهج اللي بيدرسها صح مش بس يحفظ

كمان ممكن يستفيد من المعيدين والدكاترة بس اهم حاجة انه يكون مبادر

اتمني تكون فكرتي وصلت

انا الوقتي عاوزة اعرف من حضرتك ايه اللي استفدته من المؤتمر دا

وايه التوصيات اللي طلعنا بيها من المؤتمر

انا للأسف ماحضرتهوش

______________________________________________

[center]حيثما زرعك الله أثمر
[/center]

والله جميل جدا انهم سألوا سؤال زى كدة
يارب ينفذوا اللى بيخططوله
ولو انى متفائلة والله
انا من رأيى الكلية مش بتأهلنا لاى حاجة
ده احنا فى اقسام جوة الاقسام
انا بيتهيألى هم محتاجين يطلعوا كمان خطوة لقدام
يعنى زمان الحاجات اللى احنا كنا بناخدها فى اولى ثانوى بقوا ياخدوها فى تانية اعدادى على الاغلب
وحاجات احنا بنعرفها لاول مرة فى الكلية
بياخدوها فى ثانوى
وحاجات انا شخصيا باخدها شايفة ان المفروض يعطوها لطفل فى ابتدائى
وكلام احنا بندرسه
ودرسناه قبل كدة
طيب ليه ما اخدناش باب جديد وضافولنا اللى ضافوه واحنا فى الكلية وريحونا من مادة متكرره

ومازلت برده مبسوطة
لان بقى فى انشطة كتير فى المدارس وبقوا بيحاولوا بنشروا الفكر الصناعى من خلال الانشطة والمسابقات دى
واتمنى اشارك فيها وكل اللى يقدر يشارك ويساعد الطلبة الصغيرين فى المدارس فيها
لان نظام الجودة مش مطبق علينا بس لا ده على كل فئات الطلبة كمان
واحنا اهم حاجة نساعد بعض ونحاول نستغل المساعدات البسيطة اللى الحكومة بتحاول توفرهالنا
بالتوفيق للجميع

______________________________________________

نعيب زماننا والعيب فينا .. وما لزماننا عيب سوانا


ونعيب مصر والعيب فينا .. وما لمصر عيب سوانا

هو للاسف المؤتمر محصلش تنويه عنه بدرجه كفايه للطلبه انهم يحضروه وحتى كان فى يوم بعد الامتحانات وانا بصراحه محضرتش للنهايه بس كل اللى لاحظته ان اللجنه كانت بتعمل زى استفتاء لايف للطلبه عشان يكتبو تقرير وخلاص واللى خلانى افكر فى كده انهم كانو بيدورو على اى سؤال اجابته ايجابيه ويركزو عليه واى سلبيات يهربو من الاطاله فى مناقشتها دا غير ان حضور الدكاتره كان ضعيف ومشاركتهم فى الكلام اضعف ودا رايى

وعليكم السلام ورحمة الله



لو إعتبرنا الكلية هى محاضرات وسكاشن وشيتات وإمتحان ورقة وش وظهر
يبقى الإجابة: ﻻ وألف ﻻ..

لو أضفنا لذلك .. أنشطة طلابية وكل شغل الإتحاد
يبقى الإجابة برضه: ﻻ ومائة ﻻ..

التدريب الصيفى (من وجهة نظر الورق) .. ﻻ ومليون ﻻ..

الخريج هو اللى بيصنع جودته بإيده
الكلية مش بتساعده بشئ غير بإنها موجودة!
بمعنى إنى مش هقدر أطلب تدريب فى الشركة الفلانة إلا لو كنت فى الكلية
مش هقدر أشترك فى مسابقة كذا إلا لو كنت فى الكلية
مش هقدر أتواصل (كبداية) مباشرة مع ناس من نفس تخصصى غير منها (وممكن من غيرها لكن هتكون متعبة على طالب ثانوى)
وهكذا..

بالإضافة إلى عبارة قالها Peter Norvig (a Google hacher) فى إحدى مقالاته
إن الطالب بيستفيد من الحياة الجامعية فى إنه يقرب أكتر من المجال ويحصل على بعض الوظائف التى تتطلب ذلك
لكن أكثر شئ هتستفيده هى تكوين علاقات! وأضاف إنك مش محتاج للجامعة عشان تكون مبرمج محترف!!

لاحظ إنه بيتكلم على الحياة الجامعية فى أمريكا مش فى المنصورة!!

+

وده برضه أمريكى


دى وجهة نظرى المتواضعة .. والتى تحتمل الخطأ قبل أن تحتمل الصواب ..

تحياتى (^_^)

______________________________________________

حرب المعرفة

http://techcode.wordpress.com
مدونتى المتواضعة


Let's get Silicone Valley to our region ...

على فكرة مش كلية الهندسة بس هى اللى كده

معظم الكليات بتقدم خريجين غير مؤهلين لسوق العمل بالمرة

والدليل على كده ان معظم الشركات والمدارس والمصانع بتطلب سنوات خبره لانهم واثقين ان الخريج الجديد متعلمش بالدرجة اللى تفيد فى المكان اللى هيكونوا فيه

ده جزء من رأيى

راجعة تانى.....

بس ياترى ايه اللى ممكن يخلى شهادات الخبرة دى مش مطلوبة فى يوم من الايام

وياترى المشكلة فى االمواد ولا فى طرق التدريس ولا فى الامكانيات ولا فى الهيكل التدريسى ولا فينا احنا؟؟؟؟؟

______________________________________________

حسبى الله لا اله الا هو عليه توكلت وهو رب العرش العظيم
لا الا انت سبحانك انى كنت من الظالمين
ــــــــــــــــــــــــــــــــــــــــــــــــــــ
اللهم انى اسألك بكل اسم هو لك ان تجعل القرأن الكريم ربيع قلبى
ونور صدرى وذهاب همى وجلاء حزنى